RSS

Category Archives: Khwaja Azizul Hasan Majzoob

How to live in this world


Duniya mein hu, duniya ka talabgar nahi hu
Bazaar se guzra hu, khareedar nahi hu
-khwaja Azizul Hassan Majzoob RA

Translation:
I live in the world but i do not cherish it
I walked through the marketplace, but I am not a buyer

Mawlana Rumi explains how our relationship should be with the world in the following beautiful example;
Man is like a boat and the world is like water. Just as a boat cannot sail without water, in the same way man cannot live without availing himself of the resources of this world, such-as, food, water, clothes, shelter etc.
The water is useful and helpful to the boat as long as it stays under the boat. But if that same water was to now start getting inside the boat, it will drown and destroy it.

 
 

Marsia Hakeemul Ummat Hadhrat Ashraf Ali Thanwi


A poem written by Hadhrat Khwaja Azizul Hassan Majzoob RA on the death of his Shaykh

Yeh rehlat (departure) hai kis aftaab-e-Khuda (Sun of Allah) ki
yeh har simt zulmat hai kyun is bala ki
Yeh kis Qutb Al-irshaad (pinacle of spiritual guidance) ne muh chupaya
keh duniya hai tareek (dark) sidq-o-safa (sincerity and purity) ki
Utha kaun aalam se mehboob-e-alam
sada kyun hai har simt aah-o-buka ki
Yeh kis ka hai sog (mourning) aaj ghar ghar jahan mein
ahibba ki qayd aur na qayd aqraba ki (grief is not limited to close friends and family the entire world is mourning)
Yeh reh reh ke uff kis ki yaad arahi hai
yeh kyun dil mein teesein (sharp pain) hai uff is bala ki
Kalejey hein kyun aaj shaq ahl-e-dil ke
judai hai yeh aaj kis dilruba ki
Yeh kis ne jahaan se guzar ker jahaan mein
qayamat se pehle qayamat bapa ki
Yeh duniya-e-deen mein hai kyun aaj hulchul (commotion)
hui hai wafaat aaj kis rahnuma (guide) ki
Bhataktey jo phirtey hai afraad-e-ummat (people of the ummah)
zaroorat hai ummat ko kis muqtada (leader) ki
Yeh behr-e-hawadis (ocean of bad occurrences) mein kashti-e-muslim
talabgar hai aaj kis nakhuda (captain) ki
Yeh kis khizr ne aaj li rah-e-jannat
yeh saalik hai kyun narsai (out of reach) ke shah ki
Talab aaj hai taliban-e-khuda ko
basad hasrat-o-yaas (intense sorrow) kis bakhuda ki
Baqa ke hai aasaar ahl-e-fana mein
zaroorat hai phir kis ke dars-e-fana ki
Bayan aaj hai kis ke kis kis sharaf ka
sana aaj hai kis ki kis kis adaa ki
Sada hai yeh kyun Allah Allah ki har su
nida hai yeh kyun marhaba marhaba ki
Kisey kehte hein sab ke thay sab se Ashraf
qasam hai Khuda ki, qasam hai Khuda ki
Yeh guzra hai kaun aysa rahbar jahan se
ke taqleed hai jis ke har naqsh-e-pa ki
Kahan hai kahan aaj woh zaat-e-Ashraf
niyabat mili jisko khair-ul-wara ki
kahan hai jo tha is sadi ka mujaddid
hui jis se tajdeed deen-e-Khuda ki
Woh fakhr-e-hakeeman-e-ummat kahan hai
tassali jo karta tha har mubtala ki
Mareezan-e-ummat ko yaad aarahi hai
shifa bakhshiya kis ke dast-e-shifa (healing hands) ki
Yeh misl-e-sadaf (sea shell) chashm-e-jawhar shanasan
talashi hai kis gohar-e-bay bahan ki
Mufassir, muhaddith, murabbi, muddaris
kisey aaj hasrat nahi intiha ki
Ma’arif, haqa’iq, ma’ani, daqa’iq
talash in ko hai kis ke zehan-e-rasa ki
Yeh khud parsai (piousness) ko bhi justuju hai
basad ranj-o-gham aaj kis parsa ki
Takalluf se ghabra ke sada buzurgi
talab mein yeh kis be abaa be qaba ki
Ijabat dar-e-haqq peh thitki khardi hai
yeh hai muntazir kis ke dast-e-dua ki
Hai Taalib karam kis ke dast-e-karam ka
hai joya (seeker) ata kis ke dast-e-ata ki
Yeh pehloo se rukhsat hua kaun dilbar
jafa bhi thi jis ki haqeeqat wafa ki
Yeh rukh kis Maseeha ne Majzoob phera
jo hai ghair haalat dil-e-mubtala (afflicted heart) ki
Yeh barsaat ka bhi maza kis ne khoya
ghata ki khabar kuch na bad-e-saba ki
yeh kis jaan-e-alam ka hai waqt-e-aakhir
ke halat digargun (altered) hai arz-o-sama ki
Yeh hayrat mein hai kyun farishta ajal ka
yeh noori se bhi bhar gaya kaun khaaki
Hua aaj khuld (afterlife) ashiyan (home) kaun tooti (singing bird)
ajal (death) ne yeh kis ki zuban be-sada (without voice) ki
Bani hayrat-e-gawsh (shock to ear) bagh-e-jahan mein
nawa aaj kis bulbul-e-khushnawa (melodious bird) ki
Hui band woh chashm-e-beemar kis ki
dawa thi jo har illat-e-la dawa (uncureable illness) ki
Ruki kis maseeha nafas ki woh saansein
siffat jin kay andar thi aab-e-baqa (water of everlasting life) ki
Yeh mar kar bhi hai kaun zinda jahan mein
yeh jaan kis ne kis jaan-e-jaan per fida ki
Fuyooz (spiritual benefit) aaj bhi ahl-e-dil pa rahey hein
yeh kis ki fanaa bhi hai mazhar baqa ki
Sawad-e-adam se bhi jo phoot nikli
yeh kis rooh-e-anwar (luminous spirit) ki hai tabna (light) ki
Yeh kis jism-e-athar (pure body) ka hai ghusl-e-mayyat
ke khud paak tar ho gaee aaj pakee
Kafan posh kaun aaj fani haqq hai
ke dil ko nahi ab tamanna baqa ki
Yeh ushaq (beloved) se pardah farmaya kis ne
yeh uff aurdh (draped) li kis ne chadar fana ki
Hui kya woh surat ke jab us ko dekha
to ghafil ko bhi yaad aai Khuda ki
Mala’ik ne bhi aasmaan se utar kar
yeh kis ki namaz-e-janaza ada ki
Yeh is dhoom se kis ka nikla janaza
yeh kyun tooti parti hai khalqat Khuda ki
Farishtey bichatey hai parr, hoor aankhein
yeh mayyat uthi kis shaheed-e-wafa ki
Utarney ko hai kis ka lasha lahad (grave) mein
jo aaghosh kholey hai rehmat Khuda ki
Jo arsh-e-mualla hai zu bar har dam
yeh hai qabr kis abd-e-rabb-ul-ulaa ki
Mein hayran bi tha keh haatif pukara
yeh rehlat hai aaj ashraful awliyaa ki

 
2 Comments

Posted by on April 11, 2012 in Khwaja Azizul Hasan Majzoob

 

Har dam karun ga ey mere bari Allahu Allah Allahu Allah


Banaon ga apne nafs-e-sarkash ko ab to Ya Rabb ghulaam tera
Mein chor kar karobaar sare karun ga har waqt kaam tera
Kiya karun ga bas ab Ilahi zikr hi subh-o-shaam tera
Jamaon ga dil mein yaad teri, ratun ga din raat naam tera

Har dam karun ga ey mere bari Allahu Allah Allahu Allah
Misl-e-nafas ab rakhun ga jari Allahu Allah Allahu Allah

Mein ey Khuda dam bharun ga tera, badan mein jab tak keh jaan rahey gi
Parhun ga har waqt tera kalmah, dahan mein jab tak zuban rahey gi
Koi rahey ga na zikr lab per, teri hi bas dastaan rahey gi
Na shikwa-e-dostan rahey ga, na gheebat-e-dushmanan rahey gi

Har dam karun ga ey mere bari Allahu Allah Allahu Allah
Misl-e-nafas ab rakhun ga jari Allahu Allah Allahu Allah

Raha mein din raat ghaflaton mein abas yunhi zindagi guzari
Kiya na kuch kaam aakhirat ka, katti gunhaon mein umr sari
Bohat dinon meiney sarkashi ki, magar hai ab sakht sharmsari
Mein sar jhukatu hu mere Mawla, mein tawbah karta hu mere bari

Har dam karun ga ey mere bari Allahu Allah Allahu Allah
Misl-e-nafas ab rakhun ga jari Allahu Allah Allahu Allah

Mein deen lunga, mein deen lunga, na lunga zeenah-e-duniya
Dikha ke naqsh-o-nigar apne lubhaey mujhko hazar duniya
Issey mein khoob azama chuka hu, bohat hai be-aitibaar duniya
Lagaon ga is se dil na hargiz, yeh chaar din ki hai yaar duniya

Har dam karun ga ey mere bari Allahu Allah Allahu Allah
Misl-e-nafas ab rakhun ga jari Allahu Allah Allahu Allah

Butan-e-dilbar to senkaron hai, magar koi ba wafa nahi hai
Wudood aur la’iq-e-muhabbat faqat hai tu doosra nahi hai
Koi tere zikr ke barabar mazey ke shey ey Khuda nahi hai
Mazey ki cheezein hai go hazaron, kisi mein aysa maza nahi hai

Har dam karun ga ey mere bari Allahu Allah Allahu Allah
Misl-e-nafas ab rakhun ga jari Allahu Allah Allahu Allah

 
2 Comments

Posted by on March 2, 2012 in Hamd, Islah, Khwaja Azizul Hasan Majzoob

 

Yaar rahey Ya Rabb Tu mera


Yaar rahey Ya Rabb Tu mera, aur mein tera yaar rahu
Mujh ko faqat tujh se ho muhabbat, khalq se mein bezaar rahu
Har dam zikr-o-fikr mein tere mast rahu sarshar rahu
hosh rahe na mujh ko kisi ka, tera magar hushyar rahu

Ab to rahey bas ta dame aakhir wird-e-zuban eh mere Ilah
Laa ilaaha illallaahu, Laa ilaaha illallaah

Tere siwa mabood-e-haqiqi koi nahi hai, koi nahi
Tere siwa maqsood-e-haqiqi koi nahi hai, koi nahi
Tere siwa mawjood-e-haqiqi koi nahi hai, koi nahi
Tere siwa mash’hood-e-haqiqi koi nahi hai, koi nahi

Ab to rahey bas ta dame aakhir wird-e-zuban eh mere Ilah
Laa ilaaha illallaahu, Laa ilaaha illallaah

Donon jahan mein jo kuch bhi hai, sab hai tere zeyr-e-nageen
Jinn-o-ins-o-hoor-o-mala’ik, arsh-o-kursi, charkh-o-zameen
kon-o-makan mein laa’iq-e-sajdah tere siwa eh noor-e-mubeen
koi nahi hai, koi nahi hai, koi nahi hai, koi nahi

Ab to rahey bas ta dame aakhir wird-e-zuban eh mere Ilah
Laa ilaaha illallaahu, Laa ilaaha illallaah

sab bandey hein, koi nabi ho, ya ho wali, ya shahenshah
bagh-e-do aalam bhi hai teri qudrat ke huzoor ik bargh-e-kaah
kyun na mein qa’il hu keh hazaron teri khudai ke hai gawah
khar-o-gul, aflaak o kawakib, koh-o-darya, mehr-o-mah

Ab to rahey bas ta dame aakhir wird-e-zuban eh mere Ilah
Laa ilaaha illallaahu, Laa ilaaha illallaah

Tera gada ban kar mein kisi ka dast-e-nagar ey shah na hu
Banda-e-maal o zar na banu mein, talib-e-izz o jaah na hu
Rah pe teri parh keh qayamat tak kabhi be-rah na hu
Chain na lu mein jab tak raaz-e-wahdat se aagah na hu

Ab to rahey bas ta dame aakhir wird-e-zuban eh mere Ilah
Laa ilaaha illallaahu, Laa ilaaha illallaah

Yaad mein teri sab ko bhula du koi na mujh ko yaad rahey
Tujh per sab ghar bar luta du khana-e-dil aabaad rahey
Sab khushiyon ko aag laga du, gham se tere dilshaad rahey
Sab ko nazar se apni girah du tujh se faqat faryaad rahey

Ab to rahey bas ta dame aakhir wird-e-zuban eh mere Ilah
Laa ilaaha illallaahu, Laa ilaaha illallaah

Sab se mein ho jaon mustaghni, fazl ho pesh-e-nazar tera
Ab to rahu mein ey mere data bas ik dast-e-nagar tera
Tor ke paaon per jaaon choron na kabhi ab dar tera
Ishq sama jaey rag rag mein, dil mein mere ghar tera

Ab to rahey bas ta dame aakhir wird-e-zuban eh mere Ilah
Laa ilaaha illallaahu, Laa ilaaha illallaah

Nafs-o-shaytan donon ne milker hai kiya hai mujh ko tabah
Ey mawla meri madad ker chahata hu mein teri panah
Mujh sa khalq mein koi nahi go badkar-o-nama siyah
Tu bhi magar Ghaffar hai Ya Rabb bakhsh de mere sarey gunah

Ab to rahey bas ta dame aakhir wird-e-zuban eh mere Ilah
Laa ilaaha illallaahu, Laa ilaaha illallaah

Mujhe ko sarapa zikr bana dey, zikr tera eh mere Khuda
Nikley merey har bun-e-moosey zikr tera eh merey Khudah
Ab to kabhi chorey bhi na chootey zikr tera eh mere khuda
Khalq se nikley sans ke badley zikr tera ey mere Khuda

Ab to rahey bas ta dame aakhir wird-e-zuban eh mere Ilah
Laa ilaaha illallaahu, Laa ilaaha illallaah

jab tak qalb rahey pehloo mein, jab tak tan mein jaan rahey
Lab pe tera naam rahey aur dil mein tera dhyan rahey
Jazb mein parraan hosh rahey aur aqal meri hayran rahey
Lekin tujhse ghafil hargiz dil na mera ik aan rahey

Laa ilaaha illallaahu, Laa ilaaha illallaah

 
5 Comments

Posted by on February 1, 2012 in Hamd, Islah, Khwaja Azizul Hasan Majzoob

 
 
Follow

Get every new post delivered to your Inbox.

Join 41 other followers